« 合法下載音樂的收費MP3、BT網站 | Main | 海關大佬係唔係大細超，對BT友不公平？ »
知識產權署長要將網友一網成擒
知識產權署長謝肅方表示，未經版權持有人許可上載版權作品，不論涉及金錢利益與否，均屬刑事罪行。
署長咁樣講法，實在非同小可，版權作品可以包括文字、相片、MP3音樂、鈴聲、公仔，D新聞組和討論區好鬼鍾意用D日本卡通公仔代表自已，又鍾意將D新聞、文章和靚相抄放在討論區內，照署長所言，呢D人通通都要比海關拉上法庭，係刑事唔係民事。最高刑罰為監禁4年﹐及每件侵權物品罰款5萬元。條法例係唔係真係咁鬼死毒棘，要將D網友（不限於BT友）一網成擒，拉晒去坐監和罰到佢哋永不超生。